Proclamatie Zijne Doorluchtige Doarigheid Prins Bob I, Gaffel Aöskes Losser 2020

Da’w onmeunig trots bint met disse toppers op de rie,
het carnaval veur te moggen goan, Losser kom der bie!

Wie, Prins Bob de Eerste, met toostemming van de wieze leu der Anzeukkemissie en bie de gratie van de Zotskap, kossen tot de 61ste Prins van Losser. Tevens Prins oawer De Lutt, Böaningen, Oawerdeenkel, de Glaan, de Beekhoek, het Hoge Bookel en wiedere boerschoppen. Prins in’t 57ste joar van de oawerkoepelende carnavalsverening de Gaffel Aöskes. Poortwachter van de Broekhoekweg, Droadneggel in’t blood, mer Lossernaar in’t hert, oald waker oawer oonze fantastische Gaffel Aöskes en oald dreager van de veurzittershamer, oald adjudant bie de Bosduvelkes en oald adjudant van oald-prins Denniel, hersteller van alles wat kleur hef, veurzitter van de SOGL, camperkearl deur heel Europa, opperspuiter van Olnzel tot in’t zuuden van Losser, dökndokter van alle kippige Twentenaren en ziene deurluchtige adjudanten Denniel en Nick hebt beslötten en loat oe wetten:

  1. Da’w onmeunig trots bint met disse toppers op de rie, het carnaval veur te moggen goan, Losser kom der bie!
  2. Da’w de carnaval en de Brueghel wilt bliemen vieren, net zo fijn, net as andere joaren op oons mooie Roadhoesplein!
  3. Da’w de hele carnavalsperiode nig um nen auto zeurt, wie brengt ze mooi noar Auto Reuvers veur nen helen langen beurt!
  4. Dat adjudant Nick, carnavallist van’t eerste uur, disse regeerperiode leent mot wödden van’t Hoofdbestuur!
  5. Dat wie 7 wek lang nig deanken wilt an gin enkele kökken, tenzij de Hoogheid hem zölf oet wil dökken!
  6. Dat de gemeentelijke subsidie veur de carnaval es good geet lopen, roem 2400 aangesloten polonaiselopers hoald de aarms wijd open!
  7. Dat het oale postketoor noa joaren van eargernis en leugstand, eindelijk weer ne frisse, kleurrijke oetstraling krig as geliefd Lossers pand!
  8. Dat heel Losser dissen Hoogheid onmeunig zol kunnen verblieden, deur allemoal nen keer nen besten blikschade te rieden!
  9. Dat der tijdens de optocht in menig stroat en buurt, saamhorig good wordt boert, da’w doarum per direct wilt dat de stroat versiering pries weer in wordt voert!
  10. Dat het veur de Losserse carnavalswagens eindelijk geet gebeuren, dat ze in volle pracht en glorie oawer de neije stroaten mait veuren!
  11. Da’w nooit mait vergetten, altied en oaweral nen punt achter te zetten!

En doarum besloet wie met oonzen liefsprök:

“In kleur ’t carnaval deur!”

Gömmen te Losser, op’n 4den van den Louwmoand in oons regeringsjoar 2020

Prins Bob I, adjudant Denniel en adjudant Nick