Wie, Prins Guus I ,met toostemming van de wieze leu der Anzeukkemissie , bie de gratie van de Zotskap, kozen tot de 64
ste Prins van Losser, tevens Prins oawer De Lutt, Böaningen, Oawerdeenkel, de Glaan, de Beekhoek en wiedere boerschoppen, Prins in het 63
ste joar van de oawerkoepelende carnavalsverening de Gaffel Aöskes, Poortwachter van Losser-Noord tot an’t centrum van oons Aöskesdorp, Ongekroond keizer van de Keizerskroon, Nestor van de BCP, Slagroommeester van elk gebakje, Beschermheer van alles wat zeut is, de Roger Federer van de Losserse tennisbanen, Haantje de veurste van het V-boys Tokkielied, Lid van het eerste uur en de Placido Domingo van Hofkoor de Rode Neuzen en ziene deurluchtige adjudanten Wim en Wim hebt beslötten en loat oe wetten:
- Dat wie onmeunig greuts bint hier met mekaar te stoan
um het carnaval in de gemeente Losser veur te moggn goan! - Dat wie oons verheugd op ieder Prinselijk bezoek,
Carnaval geet der bie oons in as Alinks’s boterkoek! - Dat wie met Azië ok hebt nen mooien link,
mer oonze soessie zit vol slagroom en kump gewoon van de Brink! - Dat oonzen Prins ofkomstig is oet de BCP is ja kloar
da’w hopt dat disse kearls dan ok völ met mait goan dit carnavalsjoar! - Dat wie het onmeunig mooi vind dat de Gaffel Aöskes het
carnaval veur iedereen in ere hoald
en dat der feesten organiseert wödt veur jong tot oald! - Da’j nig mearkt dat oonzen Prins a 50 is west, hij geet gewoon deur,
mocht het efkes toch nig lukken, dan zorgt ziene jonge vrouw der wa veur! - Dat bie oons nen glas vol mot wean, wie hoald nig van dreug,
dan houwt wie met de knokkels op toafel, roopt ‘Bankirai’ en weer es der één leug! - Dat der bie de adjudanten nen Wim Wim situatie is, zo stoat ze paraat,
mer ie kunt ok gewoon sprekken van adjudant Wim in’t kwadraat! - Dat wie bliewt benoadrukken; koopt ambachtelijk en lokaal,
want dat alles van’t internet mot kommen is toch echt nig normaal! - Dat wie hopt dat oonze gemeente meer geet doon an’t greunonderhoald,
want al dee weelderig begreuide borders, plantsoenen en rotondes dat löt oons nig koald! - Dat de vernieuwde Aloysiusschool het wearkoetzicht van Prins Guus voort nig meer ontsiert,
mer da’w bie disse verordonneert dat doar dan ok menig feeske wördt viert!
Lossers narrenvolk, nooit mait wie vergetten; altied en oaweral ne punt achter te zetten! En doarum besloet wie met oonzen liefsprök:
‘Met gebak en stoet, haalt wie alles der oet!
Gömmn in’t Aöskesdorp, op’n 4den van’n Louwmoand in oons regeringsjoar 2025
Prins Guus I, adjudanten Wim en Wim
Hofchauffeur Ruben