Proclamatie Zijne Deurluchtige Doarigheid Prins Patrick I, 2017
Wie, Prins Patrick de Eerste, met toostemming van de wieze leu der Anzeukkemissie en bie de gratie van de Zotskap, kozen tot de 58ste Prins van Losser, Prins van de Gaffel Aöskes en heerser oawer Losser, Oawerdeenkel, De Lutt, Böaningen, De Glaan, ’t Hoge Bookel en wiedere boerschoppen, toozichthoalder van de Bleek, neije Prins-anwinst van de Scholtinkstroat, opper-platendreaier van de Gaffel Aöskes, technisch wonder veur elk geluud, echte Carnavalist met rood/wit hert dat slöt veur’t Carnaval in Losser en Kölle, erelid van de Daore Trappers en lid van de Hoalthakkers, ex-horecabaas van Gaffel boetenresidentie ’t Schöpke en trouwt met ne echte Boan; hef beslötten en löt oe samen met ziene adjudaanten Martin en Martijn wetten:


1. Dat de bewoners van de Scholtinkstroat der dit joar vol veur goat,
want noa joaren kunt ze weer zeggen: wie hebt nen Prins in de stroat!


2. Dat zowel de Prins as zien adjudaanten van ne carnavalsverening veurzitter is west,
van verschillende vereningen, mer noe toch samen, dus da’s Gaffel Aoskes op zien best!


3. Dat carnaval is veur alle leeftieden en veur iedereen,
dus hoppenlik krig het carnaval op de Losserhof en op’t bejoardenhoes ok völ volk op de been!


4. Dat wie het in Losser, ok bie de Carnaval, nig kunt alleen,
dus dat doarum nen gezamenlijk feest op carnavalszoaterdag ne prachtig begin zol ween!


5. Dat wie het jammer veend dat de Martinuskeark dicht is en de Sinte Märtenoptocht nig deur is goan,
mer dat de Martinustoren en Martinikerlkes wa zult bliemen bestoan!


6. Dat Prins Patrick noa heel wat joaren stage lopen en op de achtergrond actief,
noe eindelijk zölf de scepter mag zwaaien met nen prachtig pak um zien preenslijk lief!


7. Dat wie in Losser het verenigingsleamen mait koesteren en waarderen,
want zeker veur de jonge generatie is dat de plek um te ontwikkelen en te leren!


8. Dat de herinrichting van de Gronausestroat um oons wa deur kan goan,
mer dat de gastvrije en superstrakke welkomsbogen wa mot kunnen bliemen stoan!


9. Dat oonzen Lossersen weerman Johan Effing aait good weark verricht,
dat hij doarum dus de weergoden op tied veur het carnavalsweekend inlicht!


10. Dat wie hopt dat oons prachtige Openluchttheater de overkapping rap mag realiseren,
zodat alle veurstellingen altied en aait vedan de leu kunt plezeren!


11. Dat Carnaval in Losser, ieder joar weer is ne geweldige tied,
mer het blif gelukkig 1 groot spel: dus mens erger je niet!



En doarum besloet wie met oonzen liefsprök:

“Alles op de kop”

Gömmen in’t Aoskesdorp Losser, op de zömde van de Louwmoand in oons regeringsjoar 2017

Prins Patrick I en adjudaanten Martin en Martijn